Officer tharte chawimawina hlan an ni: 'No sir' tih a ṭul châng a awm - CM
Chief minister Lalduhoma chuan Mizoram Civil Services (Combined) Competitive Examination 2023 kaltlanga officer tlingtharte chu thil dikah chuan mahni chauh pawha ding ngam turin a chah a, "No Sir' tih a ṭul châng a awm ṭhin. Dikna dinpui ngam ula, in dik chuan in huai dawn," a ti.
February 16, 2024 zan khan Vaivakawn Cultural Centre-ah Zonet Cable TV buatsaih Mizoram Civil Services (Combined) Competitive Examination 2023-a tlingte lawmpuina hun hmanpuiin Chief Minister chuan, "Kawng dik lo chu a zawhtu an tam vang maiin a dik ta tihna a ni ngai lo, chuvang chuan'no sir' tih a ṭul châng a awm ṭhin. Dikna lo dinpui ngam ula, in dik chuan in huai dawn a, thil dikah chuan mahni chauh pawha ding ngam turin huaisen ang che u," a ti.
Lalduhoma chuan officer tharte chu Mizo hnam tan an pawimawh thu hrilhin, "Sorkar hna hi mi dang tan eizawnna a ni maithei a, mahse nangni chuan chutiang chuan in ngaihtuah ngawt thei lo a, kan rampum huapin ngaihtuahna in sèn a ngai dawna, rilru zau in put a ngai. Mipui tana thawk tur, mipui inghahna leh enkawltu in ni dawn a, chu'ng mite tana lâk in ni tih hre reng ang che u," a ti a; inngaitlawm takin hawihhawmna nen hna thawk turin a chah.
He hunah hian MKHC chairman Rev. R Vanlalnghaka'n hunserh a hmang a; Chief Minister chuan officer tlingtharte hnenah lawmpuina a hlan a ni.