Governor leh Rajya Sabha MP inkawm

Governor Dr Hari Babu Kambhampati leh Rajya Sabha MP K Vanlalvena chu February 17, Inrinni khan Raj Bhavan-ah an inkawm.

Governor leh MP-te hian Myanmar ram buainain a nghawng harsatna hrang hrang te, Kaladan Multi Modal Transit Transport Project hna thawh meka harsatna awmte sutkian dan tur te, Mynamar kaltlanga Mizoram leh Thailand ram thlunzawm tur Zokhawthar - Maesot (Thailand) kawngpui siam mekin harsatna a tawh mek sutkian dan tur te, Indo- Bangladesh border trade centre din tura hna muang lutuk bakah, Myanmar ramri hung chungchangte an sawi dun.

Governor leh Rajya Sabha MP chuan a ṭul anga Ministry of External Affairs leh Ministry of Commerce and Industry-ah thlen ni se, an ti.

Dr Hari Babu Kambhampati chuan, Bairabi - Sairang inkar rel kawng siam meka lei dawh lai chim avanga hna zawh hun tur a khawtlai leh KMMTTP hna tihkhawtlai a ni chu pawi a tih thu a sawi a, "Heng kawng pahnihte hi zawh a nih hunah chuan Mizoram mipuite'n ei leh barah nasa takin hma an sawn phah ka beisei," a ti.