Sairang - Lengte kawng siam dawn

Sairang Zero Point - Lengte peng kawng chu February 18, Pathianni aṭanga March 8, 2024 thleng black-top hna thawh a nih dawn a vangin helai kawnga lirthei tlan dan tur tihdanglam a ni a, thupek bawhchhiate chu u/s 179 Motor Vehicles Act, 1988 hmanga hrem theih an ni.

Sorkar thuchhuah tarlan danin, kawng siam hun chhung hian zing dar 8 aṭanga chawhnu dar 1 leh chawhnu dar 2 aṭanga tlai dar 5 inkarah 407 leh a chunglamte chu Buichali lam kawngah tlan tur a ni a; Maxi Cab leh a hnuai lamte chu kawngpui pangngai zawhin an tlan thei.

Hnathawhna hmun paltlang lirthei veivak lo enkawl chu hnathawktu Nidhi Creative Infrastructure Pvt. Ltd-te mawhphurhna a ni ang.