Manipur-a hliam tuar Aizawlah enkawl

February 14, 2024 a Meitei silaimu tawnga hliam tuar Jangkholun (63), Lamka, Manipur chu February 17, Inrinni khan Aizawl rawn thlenpui a ni a, Civil Hospital, Aizawlah admit a ni.

Jangkholun hi a fapain rawn kal­puiin, Central YMA hruaitute'n an president Lalhma­chhuana hoin an lo dawng­sawng a, a ṭul dan ang anga buaipuiin zing dar 9-ah damdawi-inah admit a ni.

Jangkholun hi February 17, zing dar 8 vel khan khawlaia a kallai Meitei silai mu tawng palhin, a beng vei lamah silaimu hian a fuh.

Lamka damdawi-inah enkawl a nih hnuin Aizawl lamah refer a ni leh a, ITLF Relief Comtt. te kaihhruaina hnuaiah Inrinni zing dar 9 khan Civil Hospital, Aizawl an rawn thlenpui a ni.