Covid-19 vei thi awm belh

Covid-19 vei State Referral Hospital (ZMC)-a enkawl lai MK Roy (83), BSF camp, Durtlang North-a awm chu nimin chawhnu dar 1 khan a thi a, Mizorama Covid-19 positive thi pasarihna a ni.

Durtlang North khawtlang hruaitute hnen aṭanga thu dawn danin, MK Roy hi December 9, Nilainia damdawi-in pakhata Rapid Antigen Test hmanga a swab sample endiknaah Covid-19 vei a ni tih hmuh chhuah a ni a, damlo sa a ni. Hri­pui a vei tih hmuh chhuah a nih hnuah SRH-ZMC-ah lâk a ni a, ICU-ah enkawl nghal a ni bawk.

Mizoramah Covid-19 vei mi 4,008 hmuh chhuah a ni tawh a, chu'ng zinga mi pasarih chu an thi tawh a; thi zat hi hmuh chhuah tawh aṭangin 0.17% a ni.