Lunglei district-ah kumin chhungin POCSO thubuai 5 ziahluh a ni tawh

Lunglei district-ah kumin chhungin naupang kumtlinglo khawih kaihhnawiha dan bawhchhiatna (POCSO Act) hnuaiah thubuai panga ziahluh a ni tawh.

Nimin khan Deputy Inspector General of Police (Southern Range) C Lalthanmawia chuan MJA Lunglei District member-te a pisaah a kawm a; chhim bial - Lunglei, Siaha, Lawngtlai leh Hnahthial district-a police dinhmunte, dan leh thupek kenkawh dan tlangpuite a hrilhfiah.

DIG (Southern Range) tarlan danin, kumin chhungin Lunglei district-ah kumin chhungin naupang kumtlinglo khawih kaihhnawih, POCSO Act hnuaiah thubuai panga ziahluh a ni tawh a; kum 2023 khan POCSO Act hnuaiah thubuai 13 ziahluh a ni.

DIG - Southern Range hnuaiah hian Lunglei, Siaha, Lawngtlai leh Hnahthial district-te a awm a; kuminah hian Lunglei district-ah thubuai (IPC & Non IPC) ziahluh 28 awmin a tam ber a; Hnahthial district-ah thubuai 7 ziahluh niin a tlem ber a ni.