Tetea Hmar-in Assam Governor a kawm

Union Sports minister Anurag Singh Thakur ruahman angin nimin tlai khan Sports minister Lalnghinglova Hmar (Tetea Hmar) chuan Assam Governor Gulab Chand Kataria a kawm.

Lalnghinglova Hmar hi Khelo India Univer­sity Games hawnna Guwa­hati-a neih hmang turin a kal a, hetah hian Union Sports Minister rua­hman angin India hmar­chhaka Sports Minister hrang hrangte nen inkawmna hun an nei.

Anurag Thakur hian Assam Larsap a hmuhnaa tel ve tura a sawm angin Mizoram Sports Minister hi a tel a ni.

Union Sports Minister nen an inkawmnaah Lalnghing­lova Hmar hian, Mizoramin sports hma­sawnna tura an mamawhte a thlen a, "India hmarchhaka awm, sum leh paia harsatna nei kan nih avangin state budget pawn lamah a theih anga minpui turin ka ngen che a ni," a ti a; Union Sports Minister chuan hengte hi a bawhzui tur thu a hrilh.