Vanglaini hotu hluite'n tihsual palh vanga thubuaiah thiam an chang

Vanglaini editor hlui K Sapdanga leh joint editor hlui Lalnghinglova Hmar-te chuan April 11, 2019 (Lok Sabha MP inthlan ni) chhuaka tihsual palh an neih avanga an thubuaiah thiam an chang.

Vanglaini hian MNF party symbol an tisual palh a, an website lamah ngaihdam dilna an chhuah nghal bakah, MNF candidate bakah MNF hruaitu ṭhenkhat hnenah thupha an chawi nghal a ni. Khatih laia chief minister Zoramthanga, MNF president chuan he thil hi Vanglaini tihsual palh ni loin, tihluih niin a sawi thung.

He thil avang hian Vanglaini editor hlui K Sapdanga leh joint editor hlui Lalnghinglova Hmar-te chu thubuai siam sak an ni a, court-ah ṭum eng emaw zat an inlan. MLA inthlan hnuhnung ber campaign lai pawh khan an pahnih hian dan-in a phût angin chanchinbu leh TV lamah thubuai an neih thu an chhuah.

An thubuai hi hun eng emaw chen ngaihtuah a nih hnuah nimin khan court chuan thutlukna a siam a, police chhuina leh thuhretute thusawi a ngaihthlak hnuin K Sapdanga leh Lalnghinglova

Hmar-te hi thiam a chantir a; Court chuan tihsual luihah a ngai lo a ni.