Chetsualna vangin mi pali an thi

February 18, Pathianni leh nimin khan Mizoram hmun hrang hrangah chetsualna avangin mi paliin nunna an chàn phah.

February 18 tlai dar 5:20 vel khan Hrangthansiama (62) s/o H Thansanga, Edenthar Veng, Aizawl chu an vengah truck lehpelh a tumna lamah chesualin, truck hian a chil zui a, ka pawh chhawn loin chetsualna hmunah hian a thi. Nimin khan Hrangthansiama hi vui a ni.

Nimin chawhma dar 10 vel khan Lalsawta (68), Aibawk chu Trinity Hospital, Melthum bulah scooty-in a tlanlai truck-in a chil a, chetsualna hmunah hian a thi nghal. Lalsawta sutu truck hi kawngthlangah a tlanliam a, a khalhtu chu Trinity Hospital-ah enkawl a ni.

Nimin vek khan chawhnu dar 1 velah VL Chhanchhuaha (18) s/o K Lianmawia, Chhingchhip Mualpui leh Vanlalchhanchhuaha (18) s/o Lalhruaizela, Champhai PHE Vengte chu Bairabi Tlawng Luiah an chesual a, he thuziah lai thleng hian zawn mek an la ni.

VL Chhanchhuaha leh Vanlalchhanchhuahate hi an pate buhfai load tur zuia Bairabi-a kal an ni. Bairabi khawtlangin ruang zawn hna an thawk.