MoS for Minority Affairs kawm

Mizoram Youth Commission (MYC) chairman Malsawmzuala Ralte leh OSD to CM Jonathan Lalremruata-te chuan nimin khan New Delhi-ah Union Minister of State for Minority Affairs John Barla chu a chenna-inah an kawm.

Malsawmzuala Ralte chuan, Mizo ṭhalaite tana MYC hmalakna hrang hrangte John Barla hi a hrilhin, a theih anga a portfolio aṭanga ṭanpuina dappui turin a ngen a; Union Minister chuan a secretary Mithunyadav nen hmalak theihna sawiho tura a ràwn angin an sawiho nghal a ni.

Sorkar thuchhuah tarlan danin, PMJVK scheme kaltlanga hmalak theihna hrang hrang awmte kawhhmuhin, chief minister Lalduhoma leh District Council & Minority Affairs minister C Lalsawivungate biak nghal a ni a; second instalment dawn tur leh project submit tawh nawr chhuak tura an ràwn angin hma lak nghal a ni.

PMJVK scheme guidelines hian Mizoram pumpui a huam thei tawh dawn a; health, sports, education, agriculture, market etc.-ah hmalakna hrang hrang, ṭhalaite tana hmasawnna tur kawng tam tak a awm thei dawn a ni.