Aizawl SP-in lirthei tlan khap

Aizawl SP Rex Zarzoliana chuan Central Medical Warehouse panna kawng siam mekah Muallungthu - Khumtung panna kawng chunga lung leh lei tla thei laka mipui him nan lirthei tlan dan tur a tichhuak a; thupek hian thla khat chhung a huam ang.

Rex Zarzoliana tarlan danin, thupek bawhchhia chu u/s 179 Motor Vehicles Act, 1988 hmanga hrem theih an ni a; helai kawngah lung leh lei tla thei laka lirthei leh mipui him nan leh chak zawka hna thawh a nih theih nan ni tin zing dar 6-8, chawhma dar 10 aṭanga chawhnu dar 2 leh tlai dar 5 aṭanga zan dar 7 inkarah lirthei tlan khap a ni.