MPCC hruaitu tur thlang

Mizoram Pradesh Congress Committee (MPCC) hruaitu tur chu nimin khan Congress Bhavan-ah thlan a ni a, he thuziahlai hian thlan tlinte kan hre hman lo.

MPCC inthlanah office bearer - president, vice president leh treasurer bakah, executive committee member tur thlan an ni. Tlai dar 4 thleng vote thlak theih a ni a, dar 4 hnuah vote tlate an chhiar ṭan.

President-ah sr. vice president ni lai Lal Thanzara leh treasurer hlui Zodintluanga Ralte an inkhing a; vice president-ah a ni lai Lalnunmawia Chuaungo leh Mizorama Congress MLA neih chhun C Ngunlianchungate an inkhing.

Treasurer-ah a ni lai Dr Lalmalsawma Nghaka leh ex MLA Lalrindika Ralte-te an inkhing thung. Mizoram hmun hrang hrang aṭangin vote neite an kalkhawm hnem hle.