YMA-in sikul building tur sak pui

Mamit Venghlun Branch YMA chuan nimin khan an veng chhunga Govt. Primary School-I building tur hnatlangin an sak pui.

Mamit aṭanga thu­dawn danin, Mamit khawpui chhunga sikul awm hmasa ber, Govt. Primary School-I ah hian nikum aṭang khan pre-school hawn thar a ni a, kumin hian KG class hawn belh leh tum a nih avangin classroom tur an sak belh.

Classroom thar sakna tur hian MLA fund cheng nuai 2 hmuh beisei a ni a, an pawisa hmuh tur rinchhan hian mimal pawisa hmangin class-room thar tur hi sak mek a ni.

MLA fund an hmuh tur hian room sakna duh anga a daih tâwk dawn loh avangin Venghlun Branch YMA hian hnatlangin an sak pui ta a ni.