August 27-a VC leh LC inthlan turah MPF leh YMA-in SEC thawhpui tum

August 27, 2020-a village council (VC) leh local council (LC) inthlan turah Mizoram People Forum (MPF) leh Central YMA chuan State Election Commission (SEC) thawh­pui an tum thu an sawi.

SEC hian nimin khan MPF leh CYMA hruaitute chu an pisaa léngah sáwmin, VC leh LC inthlan turah, felfai tak leh Covid-19 laka mipui an himna tura inthlan buatsaih a nih theihna atan thawhpuiah an sáwm a; SEC sàwmna chu MPF leh CYMA hruaitute chuan an pawm a ni.

Vanglaini palai zawhna chhángin CYMA president Vanlalruata chuan, YMA chuan inthlanna thianghlim leh felfai neih a duh reng tih a sawi a, "Chutih rualin, tun ṭum inthlan tur chu Covid-19 avangin hâk zauh deuh a ngai dawn a ni," a ti. Vanlalruata chuan, SEC chuan inthlan hun sawn leh sawn loh chungchang an sawipui lo tih sawiin, "Keimahni lamin zawhnate zâwtin, rawtna kan neihte kan thlen a ni," a ti a; inthlan sawn leh sawn loh chu SEC thuneihna a nih thu a sawi.

•    Intlar loa vote thlâk chungchang

•    Social leh physical distancing

•    Hmai tuam leh kut tihfaina (hand sanitiser) hman chungchang

•    Polling station leh polling booth chhehvela chil chhâk leh khuh chungchang

•    Intlarna tur fel taka chhinchhiah

•    Vote thlâk turte hming leh phone number ziahna tur register siam

•    Rualbanlo leh kum 65 chin chung lamte intlar lo leh nghak loa vote thlaktir

•    Inveng fimkhur tak chunga vote chhiar kalpui dan tur