Mitthi ruang phurhna tur cheng vbc. 5 dah duh

Nimin Assembly session-ah Social Welfare minister Lalrinpuii chuan, sorkarin mitthi ruang a phurhna tur kum 2024-2025 budget-a dah tura an thehluh thu House a hrilh.

MNF member Lalchhandama Ralte-in December 14, 2023-ah Social Welfare Minister-in Assembly House-a a puan anga sorkarin mitthi ruang a phurh hun tur zawhna chhangin Lalrinpuii chuan, "Inkaihhruaina dan tur duan mek a ni. Ngaihtuah ngai a tam avangin Cabinet meeting-ah pawh pharh kan tum," a ti.

Social Welfare Minister sawi danin, mitthi ruang hi mi an thihna hmun aṭanga an chenna in thleng sorkarin phurh sak a tum a, a phurh man chu km. ang zawnga chhut tum a ni. Mizoram pawn lama thite chu a huam dawn lo.

Sorkar kum kal mekah budget-ah (revised estimat)-ah vbc. 1 dah niin, kum 2024-2025 budget-ah cheng vbc. 5 dah tura thehluh a ni.

Zawhbelhna chhangin Social Welfare Minister chuan, inthlan dawna an intiam ang ngeiin tar pension (old age pension) chu tihpun a ni dawn tih sawiin, "Mi pakhat tan thla khatah Rs 1,000 zel pek tum a ni," a ti.