Kuhva rah hring bag 290 man

East Lungdar Police Beat Post duty-te chuan February 20, Thawhlehni zan dar 9 vel khan dan loa lakluh Burma kuhva rah hring bag 290 an man a, a vaiin Rs 9,72,000 man niin, Custom department-a hlan turin Serchhip Police Station-ah dah a ni.

Sorkar thuchhuah tarlan danin, East Lungdar Police Beat Post duty-te hian an thudawn bawhzuiin Champhai district aṭanga truck panga lokal chu an lo man a; lirthei khalhtu mi panga pawh man niin Champhai disrtcit-a mite vek an ni.

Serchhip SP MS Dawngkima chuan, danin a phal loh kuhva leh thil dang Serchhip district chhunga lakluhte veng turin Serchhip District Police-te'n uluk takin an vil ring tih a tarlang a, "Dan loa chete man turin Serchhip District Police-te'n hma an la zel dawn a ni," a ti.

Kuhva rah phurh dan :

◆ MZ/04 A- 6321 (Ashok Leyland) : Lalruathlua (24) s/o Lalchhawna, Bungzung khua ni a insawi, Champhai district khalh niin, kuhva rah neitu hi Thangpuii, Serchhip khua nia insawi a ni. Kuhva rah hi bag 80 niin a hlut zawng hi Rs. 3,00,000 a ni.

◆ MZ/04 A-5970 (SML) : Lalthazauva (32) s/o Lalpeklawma of Khuangleng, Champhai district ni a insawi khalh niin, kuhva rah neitu hi Mathangi, Lunglei khua nia insawi a ni. Kuhva rah hi bag 70 niin a hlut zawng hi Rs. 2,24,000 a ni.

◆ MZ/04 A-4180 (SML) : Lalpekhlua (28) s/o K. Malsawma, Champhai Chhungte khua ni a insawi khalh niin, kuhva rah neitu hi Chhungi, Aizawl khua nia insawi a ni. Kuhva rah hi bag 35 niin a hlut zawng hi Rs. 1,12,000 a ni.

◆ MZ/04 A-4078(SML) : Lalchhuanliana (28) s/o K.Vanthangpuia, Champhai Chhungte khua ni a insawi khalh niin, kuhva rah neitu hi Chhungi, Aizawl khua nia insawi a ni. Kuhva rah hi bag 35 niin Rs. 1,12,000 man hu a ni.

◆ MZ/0 4A-4816 (SML) : Lalhruaitluanga (35) s/o Dokapa, Sesih khua, Champhai district nia insawi khalh niin kuhva rah neitu hi Mathangi, Lunglei khua nia insawi a ni. Kuhva rah hi bag 70 niin a hlut zawng hi Rs. 2,24,000 man hu a ni.