Thlai rate sorkar bituk aia a hniamin sorkar a che ang - Horticulture Minister

Horticulture minister Prof. Lalnilawma chuan, thlai thar man tur sorkarin a bituk hoah sorkar rate aia hniama kut hnathawktute dawr an nih chuan sorkar a chêt tur thu House a hrilh.

BJP member Dr K Beichhua zawhna chhangin Horticulture Minister chuan, "Sawh­thing hi kg. khat Rs. 50 aia hniam lo tur a ni a, a sang lam chu duhthusam a ni. Tun dinhmunah chuan sorkar ruahman angin lei a la ni lo," a ti.

Prof. Lalnilawma chuan, thlai thar leitu turte leh society-te an insiamrem dawn thu sawiin, "Society awmsa rintlak leh rin theihte chu rin an ni ang," a ti a, society thar din a ngaih pawhin hma an lak zel tur thu a sawi.

Khaw khatah society pakhat ding se duh­thusam a nih thu sawiin Horti. Minister chuan, "A thlai mil tê têa an indin a nih pawhin a theih tho. Hma kan la zel ang," a ti.