Kolasib district-a FOCUS hmalakna thlirho

Kolasib District Level Coordination Committee under District Management Unit (DMU) chu an chairman John LT Sanga, district bawrhsap hoin nimin khan an ṭhukhawm a; Fostering Climate Resilient Upland Farming System (FOCUS) hnuaia hmalakna leh hmachhawpte an sawiho.

Ṭhutkhawmah hian FOCUS-in kum 2023-2024 chhunga Land Resources, Soil and Water Conservation Sector; Horticulture Sector leh Agriculture Sector hnuaia hma an lakna hrang hrang - vawk 4,316 chu Classical Swine Fever hri danna pek a nih thu te, ran 722 chu Lumpy Skin Disease venna pek a nih thu leh kel 228 chu kel natna laka venna (Goat PPR) pek a nih thu leh vawk 1,411 kah rai aṭangin vawk note 5,275 a pian thu tarlan a ni.

Livestock Sector hnuaiah kel vulh tura thlan (goatery unit) chhungkaw 50 hnenah kel no pahnih ṭheuh leh vawk vulh tura thlan (pig breeding unit) chhungkaw 200 hnenah vawk no pahnih ṭheuh pe tura ruahman a ni a; ran an sem tur hi a dawngtu turte bank account-ah a leina tur thunsak tum niin, hemi atan hian DLCC remtihpuina mamawh a ni.