ZORO-in hmalak zel an tum

Zo Reunification Organisation (ZORO) chuan nimin khan an pisaah Executive meeting an nei a; India sorkarin Myanmar ramri hung a tumna leh free movement regime (FMR) a hlih chungchang an sawiho a; hmalak zel an rêl.

ZORO thuchhuah tarlan danin, ṭhutkhawmah hian FMR leh ramri hung bakah, February 16, 2024-a Nagaland-a North East India Symposium on India-Myanmar Border Issue neihna a telve ZORO palai report ngaihthlak a ni.

North East India Symposium on India-Myanmar Border Issue-ah hian FMR hlih tum duh lohna leh ramri hung duh lohna lantir chungchangah Nagaland, Manipur leh Mizoram chu pheikhai rual taka kal ho ni se; ramri hrul khaw remchangah lungawi lohna lan tir ni se an ti.

Hmarchhak state hrang hrangte'n a ruala lungawi lohna neih an rel pawh hun remchangah India leh Myanmar ramriah neih a ni ang.