Training buatsaihpui turin ngen
New Delhi-a châm mek Mizoram Youth Commission (MYC) chairman Malsawmzuala Ralte leh on special duty (OSD) to CM Jonathan Lalremruata chuan nimin khan sorkar laipuia Minister of State for Skill Development Rajeev Chandrasekhar chu a chennah an kawm a; Mizo ṭhalaite tan MYC-in skill development training a buatsaih theihna tura hmalakpui turin an ngen.
Rajeev Chandrasekhar chuan, ṭhalai a tam thei ang ber skill training pek a duh tih Mizoram sorkar aiawhte a lo hrilh a; MYC aṭangin lehkha siam a, a hnena thehlut tur leh lehkha a hmuh aṭanga darkar 48 chhungin a team-te'n Aizawl an thlen nghal tur thu te, anni nena sawiho hnuah final mai tur a nih thute a lo hrilh niin sorkar thuchhuahin a tarlang.
MYC Chairman leh OSD to CM-te hian Taipei Economic and Cultural Centre-ah Education Division director Peter LY Chen pawh kawmin, Taiwan-a Mizo ṭhalaite tana hnathawh theih dan awm angte an sawi ho a, a remchan anga hmalak ho ni se, an ti bawk.