PUC-in zirlai chhuakte an thlah

Pachhunga University College (PUC) chuan nimin khan an college aṭanga under graduate zir chhuakte lawmpuina leh thlahna hun, Felicitation Function an hmang.

Inkhawmah hian Mizoram University-in UG exam a buatsaiha Arts-a gold medalist Samuel Malsawmzuala hnenah HK Bawichhuaka Award an hlan a; Science-a gold medalist JH Zorinpuii hnenah Lenrual Hlui Award leh R Lalremruata, Commerce hnenah Khawtinkhuma Award hlan a ni. Christopher Lalromawia hnenah Students of the Year chawimawina hlan a ni bawk.

Mizoram University-in kumina UG Examination 2020 result a tihchhuahah PUC aṭangin rank holder 143 an awm a, an zirlai 25 chu 'O' grade-ah pass in, A+ ah zirlai 144, A grade-ah zirlai 306, B+ ah zirlai 151 leh B grade-ah zirlai 12 an pass a ni.