MCC zah turin MNF MLA-te chah

ZPM Ṭhalai chuan thuchhuah siamin, Model Code of Conduct (MCC) hman a nih mek laiin MNF MLA ṭhenkhatin thil sem an la nei reng mai niin an tarlang a; MNF MLA-te leh an party mite chu MCC zah thiam turin an chah.

ZPM ṭhalaite tarlan danin, August 27, 2020-a village council leh local council inthlan tur avang­in State Election Commission (SEC)-in MCC hmanga khuah­khirhna a siamah, political party te, inthlannaa ding te, minister leh MP/MLA te, MDC te, AMC councillor-te leh inthlannaa inhnamhnawihte MCC-in a huam a ni. MCC hman mek a ni chungin MNF MLA  ṭhenkhatin thil an la sem reng tih sawiin ZPM Ṭhalai chuan, "Tìmna nei miah lo ang maia thil sem an la nei reng mai hi a pawi kan ti a, MNF party hi an zia thupa SEC thuchhuak zah turin kan ngen. Inthlan puan hma zawnga thil ṭha tihna hun hmang ṭangkai si lo a, inthlan dawna thil ṭha tih tum thut ram hruaitute hi Zoram mipuiin kan hnâwl a hun tawh a ni," an ti.

ZPM Ṭhalaite chuan, VC/LC inthlan neih tur­ah, ram siam ṭhatna tura innghahna lungphùm a phúm dawn tih sawiin, candidate-te chu an awmna party leh an policy aṭanga teha vote thlak turin mipui an ngen a ni.