Ration buhfai chungchang Sorkarin a zirchiang mek

MNF member Lalchhan­dama Ralte, K Laldawngliana leh R Rohminglianate zawhna chhangin Food Civil Supplies & Consumer Affairs (FCSCA) minister B Lalchhanzova chuan, sorkarin ration buhfai chungchang a zirchian mek thu House a hrilh.

B Lalchhanzova chuan, ration buhfai sem dan leh a lei leh hralhnaah sorkarin sum a sèn dante a zirchiang mek tih tarlangin, "Sorkarin a zirchianna aṭanga a thil hmuh chhuah dan a zirin sorkarin sum a hloh lohna atan ruahmanna siam a ni ang," a ti.

FCSCA Minister sawi danin, Mizoram chhunga sorkar hnathawkte ration buhfai laktir tawh loh (tihtawp) tumna a awm lo.

Ration buhfai hi online (kutzung nem) leh partial offline (card no. emaw Aadhaar no. ringawt chhutluh) hmang­in ePoS kaltlangin a sem theih. Internet ṭhat lohna khuaah chuan partial offline mode-in ration pek ṭhin a ni.