Sorkar ṭha a awm theihna atan MṬKP-te an ṭawngṭai rual dawn

Mizoram Ṭhalai Kristian Pawl (MṬKP) rorel inkhawm vawi 70-na chu nimin khan BCM Biak In, Gilgal Theriatah neih a ni a; sorkar ṭha a awm theihna atan chawngheia ṭawngṭai an rêl. MṬKP rorel inkhawmah hian palai 573 an tel a ni.

MṬKP thurel ṭhenkhat

▶ MṬKP hian kum khat chhungin inzirtirna pakhat chauh kalpui tawh se.

▶ Kristian chhungkaw din chungchang inzirtirna neih ni se.

▶ MṬKP Youth Centre pualin unit tinte vawi khat fehchhuah ni se.

▶ ṬKP Platinum Jubilee (2026) lawm ni se.

▶ Sorkar ṭha kan neih theih nan, MṬKP hmalaknain Pathianni tlai vawi khat chawnghei ṭawngṭai neih ni se.

▶ Ṭhalai Entu Electronic form-a subscribe theih tura siam ni se.

▶ ṬKP member tinten Christian Hospital, Lawngtlai operation theatre light leh adjustable table lei nan Rs. 20 ṭheuh thawh ni se.

▶ Hriselna chungchanga ṭhalaite hma kan sawn theih nan hmalak ni se.