MZP-in raltlan camp kang an tlawh

MZP General Headquarters hruaitute chuan nimin khan February 21, Nilaini zana Sihhmui Refugee camp-II kâng chu a hmunah an tlawh a; Sihhmui Branch YMA hnenah hnatlangte thingpui man leh a ṭul apianga hman turin Rs. 5,000 leh raltlante hnenah Rs. 5,000 an hlan.

Sihhmui Refugee camp-II hi Nilaini zan dar 6 khan eirawngbawlna gas aṭanga kâng ṭan nia hriat a ni a; in pariat a kang ral a, in pakhat chu kâng ṭhelh nan ṭhiah a ni bawk. MZP chuan he vanduaina thleng hi pawi a ti a, kangmei tuartute an tawrhpui takzet thu an tarlang.