Siaha-ah fai lawmman pathumna lawm

Urban Development & Poverty Alleviation (UDPA) huaihawtin Siaha district-in Mizoram Cleanliness Competition 2023-a pathumna dinhmun a hauh chu nimin khan MADC Golden Jubilee Hall-ah lawm a ni a, CADC CEM M Laikaw-in a hmanpui.

MADC CEM chuan, Siaha district-in faina lama rahbi thar a kai chu lawmawm a tih thu sawiin, "District fai inelna-a pathumna dinhmun hauh hi bulṭanna chauh a ni. Hmabakah tih tur tam tak a la awm a, ṭan i chhuah thar zel ang u," a ti a, hun lo awm turah Siaha district-in Mizorama district fai ber nihna a hauh theih a beisei thu a sawi.

Inkhawma tarlan danin, Mizo­ram Cleanliness Competition 2023 chu October 9, 2023 khan ṭan a ni a, sorkar department hrang hrang, VC, NGO leh mipuite thawhhona ṭha tak avangin tun dinhmun hi an thleng a ni.

Siaha district chhunga faina lama tiṭha- sikul, bazar, damdawi-in, sorkar office etc.-te hnenah lawmman sem a ni bawk.