Vawiinah MRB nuar ve dawn

All India Regional Rural Bank Employees` Association (AlRRBEA)-in vawiina One Day All India Strike an neih tur chu Mizoram Rural Bank-a thawktute pawhin an zawm dawn avangin bank dawr theih a ni dawn lo.

MRB chuan nawrh (strike) an neih chhante tarlangin, "He'ng kan thil phûtte hi India sorkar, Ministry of Finance (MoF) hian a tihhlawhtlin kan phût tak meuh a ni," an ti.

MoF-a bank-te thil phut

☑ Regional Rural Bank-te sponsor bank nen inzawm tawh loin, National Rural Bank of India (NRBI) din.

☑ A rang thei bera Promotion Rules ennawn, Recruitment atana post ruak 30,000 chuang awm hi hnawhkhah – Cross Selling hna hi Sponsor Banks aṭanga thlawn.

☑ Casual worker-te dah ngheh.

☑ Sponsor bank-te Service Rules leh Leave Rules hman ang hman ve.

☑ NIT Award ang chiaha hlawh kalhmang hman ve.

☑ Supreme Court thuchhuah tawh angin Indian Banking Association nena hlawh chungchanga inbiaknaah RRB-te telh ve ni rawh se.

☑ RRB PR 2018 behchhanin Pension Parity chungchanga hamṭhatna awm zawng zawngte tih hlawhtlin ni rawh se.

☑ Computer Increment leh Compassionate Appointment Scheme hi a hmanna tur dik tak leh a hman ṭanna hun dik taka kalpui ni rawh se.

☑ Gratuity hi Service Rules-in a sawi angin BP leh DA aṭanga chhût ni rawh se.