Methamphetamine vangin kum 10 chhung jail tang turin mi pali hrem

Special Court (NDPS Act) chuan Excise & Naroctics department (END)-in methamphetamine vanga an man mi palite thiam loh a chantir a, jail tang tur leh Rs. 1,00,000 chawi turin a hrem.

END hian October 28, 2022 khan methamphetamine kg. 1.4 leh inhnamhnawih nia puh mi pali Zodingliana (40) s/o Chaltlang Venglai, Aizawl; Samil Ahmed (28), Karimganj district, Assam; Vanlalruati (41) d/o, North Hlimen, Kolasib district leh Zorampari (46) d/o Lianzama (L), Bilkhawthlir Kawn Veng te chu an man a, NDPS Act hnuaiah thubuai siamsak an ni.

Special Judge R Lalduhawmi chuan thuhretu koin, finfiahna hrang hrangte a endik hnuah February 9, 2024 khan NDPA Act. tlawhchhanin thiam loh a chantir a, nimin khan hrem dan tur a puang.

An pali hian kum 10 chhung hrehawm taka jail tang tur leh Rs. 1,00,000 chawi turin a hrem.

Zodingliana hian pawisa hi a pek loh chuan thla li dang jail a tan belh dawn a; midang pathumte chuan pawisa an pek loh chuan thla hnih dang an tan belh thung ang.