Siaha-ah heroin gram 277 an man

Excise & Narcotics department, Mara Thyutlia Py (MTP) leh Assam Rifles ṭangkawp chuan February 22, Ningani zan khan Bualpui road, Siahatla-II, Siaha-ah heroin gram 277 an man.

Heroin neitua puhte chu - Bika (39) s/o Mangpeng, Salen, Myanmar; Zatluangliana (42) s/o Rotluangi, Sangau-IV, Lawngtlai district leh Tuankhara (56) s/o Darkiaua, Thaltlang, Lawngtlai district nia inchhalte an ni a, heroin an phurhna lirthei, mahindra pick-up (MZ/01 U - 7436) pawh hrensak an ni.

Heng heroin-te hi Salen, Myanmar aṭanga an lak, Siaha leh a chhehvela hralh tura tih mek a ni. Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni.