Governor leh MP Vena inkawm

Governor Dr Hari Babu Kambhampati leh Rajya Sabha MP K Vanlalvena chu nimin khan Raj Bhavan-ah an inkawm a; MP Vanlalvena chuan, Kaladan Multi-modal Transit Transport Project (KMMTTP) kawng sial mek chungchanga harsatna awmte sut­kianpui turin Governor a ngen.

K Vanlalvena chuan, KMMTTP sial meka harsatna hrang hrang - contractor, security leh lei (bridge) chungchangte Governor a sawipuiin, External Ministry, Home Ministry leh Ministry of Road Transport and Highways (MoRTH) hnena thlen turin a ngen a; Governor Dr Hari Babu Kambhampati chuan Delhi-a zin leh hmasak berah theihtawpa hmalak a tum thu a hrilh.

Inkawmnaah hian KMMTTP chu Act East Policy hnuaia in­sum­dawnna kalkawng pawimawh tak a nih thu te, hmanlai insumdawnna kalkawng (silk road) thar­thawh leh theih an beisei thute an sawi dun bawk.