MNF-in official candidate an tifel; President atan Zoramthanga an ruat

March 15, 2024 a MNF elected office beater inthlan lo awm tur atan MNF nomination committee chuan February 24, Inrinni khan official candidate tur an tifel.

MNF nomination committee chuan president official candidate atan a ni lai Zoramthanga an ruat a, sr. vice president-ah Dr R Lalthangliana, vice president-ah Vanlalzawma leh Lalchhandama Ralte leh treasurer-ah Lalruatkimate ruat a ni.

OB ni lai zingah sr. vice president Tawnluia, vice president Lalthlengliana leh treasurer K Vanlalauvate hming a lang tawh lo. Hetihlai hian vice president aṭanga chawlhtir Dr R Lalthangliana hming a lang leh thung.

MNF elected OB chuh tumte tan hian February 26 -28, 2024 chhung hming pekluh theih a ni a, February 29 ah hming pe lutte endik niin, inhnukdawk duh tan March 2 thleng hun hawn a ni ang.