Pawl pangain thisen unit 180 an pe

February 24, Inrinni khan Mizoramah pawl pangain thisen unit 180 an pe. KṬP, Luangmual Vengthlang bialin Civil Hospital, Aizawl tan unit 64 pein, petute mipa 52 leh hmeichhia 12 an ni a; KṬP, Tuikhuahtlang Branch-in KṬP Day pualin Synod Hospital tan unit 35 an pe a, petute mipa 30 leh hmeichhia panga an ni.

ṬKP, Hnahthial North bialin Hnahthial Electric Veng Kohhran Hall-ah Civil Hospital, Lunglei tan unit 52 pein, petute mipa 43 leh hmeichhia pakua an ni a; ṬKP, Lawngtlai Chandmary unit-in District Hospital tan unit 14 pein, petute mipa leh hmeichhia pasarih ve ve an ni. ECM KTP, Amobyu bial member mipa 12 leh hmeichhia pathumte'n Siaha District Hospital tan unit 15 an pe bawk.