MoS-in bio-digester siamna tur enfiah

Minister of state B Lalchhanzova, Aizawl East-II bialtu MLA ni bawk chuan February 24, Inrinni khan Civil Hospital, Aizawla Bio- Digester siamna tur a enfiah. Civil Hospital, Aizawla Bio-Digester siam nan hian Rs. 17,19,900 ruahman niin, a siam hna hi SIPMIU-in an thawk dawn a ni.

B Lalchhanzova chuan, Dawrpui khawtlang hruaitute leh Civil Hospital hotute'n thawhhona ṭha tak an neih zel a pawimawh thu a sawi a, "Civil Hospital thianghlim leh mawi nei tur chuan mipui tana ṭha ber tih duhna thinglung put ṭheuh a ṭul a, chutiang thinlung kan put chuan thawhhona ṭha neih hi thil awlsam tak a ni," a ti.

He huna tarlan danin, Bio-Digester hi Civil Hospital, Aizawla thli felfai zawka kaltir a nih theih nana ruahman a ni. Civil Hospital-ah hian hman a lo ni tawh ṭhin a, a siam dan a fuh tawk loh deuh avangin a bul hnaia chengte tan harsatna a siam ṭhin avangin a thara siam tura ruahman a ni.

Civil hospital hmunhma leh a chhehvel thianghlimna enzui turin Civil Hospital Superintendent kaihhruai Dawrpui NGO hrang hrang aiawhte telna Consultation Committee din turin ruahmanna siam a ni bawk.