MLA-in coaching kal turte a kawm

Aizawl West-III bialtu MLA VL Zaithanzama chuan February 24, Zirtawpni khan a pisa-ah an bial chhung aṭanga pre recruitment coaching class kal turte a kawm.

VL Zaithanzama chuan inhriattirna hun chep tak karah Mizo ṭhalai mi 23 lai army coaching class kal tur an awm chu lawmawm a tih thu sawiin, "He thil hi a ṭul ang zela kalpui chhoh a ni ang. Coaching class kalte aṭangin army exam duhte tan an exam registration-te pawh tum sak zel an ni dawn," a ti.

Aizawl West-III Bialtu MLA hian a bial chhunga ṭhalaite a tam thei ang ber Indian Army -a an luh theih nan hma a la a, Assam Rifle hotute kawmin, anni hian coaching class hi an buatsaih a ni.

Coaching class hi vawiin aṭangin Lammualah ṭan a ni dawn a, Aizawl West-III Bial aṭangin ṭhalai 23 an tel dawn.