Eco tourim site buatsaih tum

Assembly session neih mekah Tourism minister Lalrinpuii chuan Mizoram chhungah eco tourism site buatsaih tum mek a nih thu House a hrilh.

ZPM member Lalramliana Papuia zawhna chhangin Tourism Minister chuan, "Mizoram chhungah eco tourism site buatsaih tum mek a ni. NESIDS-OTRI Scheme hnuaiah Development of Wilderness Tourism at Sairep Tlang hi Planning department-ah thehluh a ni," a ti.

Tourism Minister sawi danin, district hrang hranga deputy commissioner/Chairman, destination management committee chairman-te hnen aṭangin Challenged Based Destination Development Scheme-ah proposal an dawng a, Ministry of Tourism ah thehluh a ni ang.

Proposal dawnte chu - Integrated Development of Spiritual Tourism at Lunglei, Development of Village Based Ecotourism at Lungdai, Reliving the past – Heritage Tourism and Heritage Walks at Lungleng leh Promotion of ecotourism & Amrit Dharrohar Site (Ramsar Site) at Palak Lake te an ni.