Oil depot hmun tur zawng mek

Food Civil Supply & Consumer Affairs (FCSCA) minister B Lalchhanzova chuan Assembly session neih mekah sorkarin oil depot hmun tur a zawn mek thu House a hrilh.

MNF member K Laldawngliana zawhna chhangin FCSCA Minister chuan, "Sorkarin oil depot hi hmun hrang hrang ni loin hmun khata dah tura hmalak a ni. A hmun tur hi zawn mek a ni a, IOCL thuneitute nen enho a ni ang a, a hmun tur remchang tha bera ngaihah dah tum a ni," a ti.

B Lalchhanzova chuan Gas Bottling Plant, Mualkhang extension lungphum hi September 29, 2023 a neih tura ruahman a nih thu sawiin, "Amaherawhchu, IOCL lamin Prime Minister Office aṭangin phalna an la hmu rih lo. Permanent land lease pek thuai tum a ni," a ti a, IOCL staff-te pawh dah tir tum a nih thu a sawi.