Ṭhelrêt herna kháwl sem a ni

Assembly deputy speaker Lalrinawma leh Mamit bialtu MLA H Lalzirliana te chuan nimin khan an bial chhung ve veah ṭhelrêt herna leh sawngbawlna kháwl an vailiam.

Lalrinawma chuan Serchhipa Land Resources, Soil & Water Conservation office tualah Serchhip district-a ṭhelrêt chingtu chhungkaw pasarih hnena hlan tur rubber rolling machine leh ṭhelrêt sawngbawlna hmanraw kim chu sem turin a vailiam.

Lalrinawma chuan, Serchhip district-a chhungkaw 58-in ṭhelrêt huan neia hma an la mek te, an zinga chhungkaw 20-te ṭhelrêt chu hnài theih khawpa an thawkrim te, Mizoramah ṭhelrêt hnâi theih tawh kung nuai hnih vel zet a awmte chu chanchin lawmawm a nih thu a sawi.

MLA H Lalzirliana chuan Mamit district chhunga ṭhelret chingtute hman tur khawl 22 chu Mamit aṭangin a vai liam a; an district chu ṭhelretah Mizoramah an champion thei tih sawiin, "Ṭhelret chinna turin hmunhma leh leilung ṭha tak kan nei a, taima leh tihtak zeta thawkin Mizorama lirthei tharchhuak hnem ber kan la ni dawn," a ti.