Mizoramah rubber chìn theihna ram hectare 50,000 vel a awm

Mizorama ṭhelret (rubber) chingtu pawl, Mizoram Rubber Society (MIRSO) chuan tunhnai khan Chanmari YMA Hall-ah Administrative Training Institute (ATI) director Maria CT Zuali hoin annual general body meeting cum general election an nei a; Mizoramah rubber chìn theihna ram hectare 50,000 vel zinga hectare 6,000 velah chiah rubber chìn ala nih thu tarlan a ni.

He huna tarlan danin, kum 2018 khan Mizoramah rubber chingtu chhungkaw 2,000 vel an awm a; kum­in­ah erawh chhung­kaw 8,000 vel an awm tawh.

Traditional survey­ence leh remote sen­sing satellite images hmanga zirchiannaah Mizoramah hian rubber chìn theihna ram hectare 50,000 vel awm anga chhût niin, kum 2023 thleng khan ram hectare 6,000 velah rubber chìn hi kalpui tawh niin, a bak zawngah pawh chak taka kalpui mek a ni.

MISRO rorel inkhawmah hian kum 2024–27 atana hruaitu thar thlanna neih a ni a; president atan K Hrangzuala, general secretary atan Daniel Lalthanzauva Hmar leh treasurer atan C Van-lalhruaiate an thlang.