Jail tangte tan kutthemthiam zirna

Siaha additional district and sessions judge Lalngaihmawia Zote chuan nimin khan District Jail, Siahaah Siaha District Legal Services Authority-te buatsaih jail tangte tana kutthemthiam zirna, ‘Skill Development for Prisoner’ a hawng.

Lalngaihmawia Zote chuan, jail tangte'n an tui zawngte zir a, thiamna leh eizawnna tlak thiamna an neih a duhsak thu a sawi a, "Hlawhtlinna hi eng dinhmun aṭang pawha neih theih a ni," a ti a; he hun hi ṭangkai taka hmang turin a chah.

He programme-ah hian jail tangte chu arts, handicraft, barber leh electric wiring-te zirtir an ni dawn a; zirtirtu atan Jail staff, tang convict tawh leh pawnlam mite thlan an ni.

Skill Development for Prisoner’ programme-in a tum ber chu, jail tangte jail aṭanga an chhuah hnua an mahni kea an din theihna tura thiamna pek a ni.