Bana kaih hman ṭangkai kan tum - ZIDCO Chairman

ZPM chuan nimin khan an pisa-ah chhung inkhawm an hmang a, thusawitu ZIDCO chairman JK Dawngzuala chuan, ZIDCO chuan bana kaih policy hman ṭangkai an tum thu a sawi.

ZIDCO Chairman chuan, ZIDCO chuan year of reconstruction puangin sorkar sum (mipui sum) a leiba rulhsak an nihna dolet ngei an tum thu sawiin, "Eng hna pawh thawk thei turin ZIDCO hian theihna a nei a, hman ṭangkai a ni ngai lo zawk. ZPM policy bana kaih ṭangkai taka kalpui kan tum," a ti.

Mizote hnathawh kawngah harh thar a ngaih thu sawiin JK Dawngzuala chuan, "Dik tak leh rinawm taka thawk tura rilru leh thinlung siam thar kan mamawh," a ti a, hotulu ber aṭanga a hniam ber thlengin mawhphurhna hlen tur an neih ṭheuh thu a sawi.