MST bus hmun kuaah tlantir

Transport minister Vanlalhlana chuan ZPM member VL Zaithanzama zawhna ziaka chhangin, tun dinhmunah Mizoram chhungah MST bus hmun kuaah service tir mek a nih thu a tarlang.

Sorkar hmasain Manipur leh Myanmar-a MST bus service tir tuma an hmalakna bawhzui a nih leh nih loh zawhna chhangin Transport Minister chuan, "Kan hriat angin Manipur leh Myanmar-te hi an ram a buai avangin tun dinhmunah MST bus service tura hmalak theih a ni rih lo," a ti.

MST bus service nate : Aizawl - Lunglei, Aizawl - Khuangthing, Aizawl - Marpara, Aizawl - Mimbung, Aizawl - N Hlimen/Saipum, Aizawl - Rajiv Nagar, Aizawl - Phuldungsei (Tripura), Siaha - Chakhei bakah, Lunglei Town bus-ah MST bus pahnih hman a ni.