CM-in Charkos hotute a kawm

Nimin khan chief minister Lalduhoma chuan a pisa-ah Mizo nurse-te UK leh Germany-a thawk tura training pea thawn ṭhin, Charkos hotute a kawm a, an hnathawh dante a sawipui.

Chief Minister chuan Mizo nurse, OET exam tuma beitu, sum lama harsatna neite chu Mizoram Youth Commission kaltlanga hand holding policy hmanga sorkarin a ṭanpui theih a rin thu a lo hrilh a, hemi thila zirlaite harsatnate ziaka a hnena thehlut turin a chah.

Charkos co-founder Dr Seema Baliyan chuan, an hnathawh dan tlangpui a lem nen a sawifiah a; Mizoram OET Coaching Hub (MOCH)-te nen tunah hian hma an la ho mek a, Chhinga Veng, Aizawlah hmunhma an nei a ni.

Charkos hotute chuan Mizo ṭhalai engemaw zatin an ngaihvena, mahse training-na tur sum leh paiah harsatna an tawk ṭhin tih Chief Minister hi an hrilh a ni.