Lungleiah NCD chungchang sawiho

Lunglei District Health Society chuan nimin khan an chairman Ramdinliani, bawrhsap hoin natna inkaichhawn theih loh (non-communicable diseases) chungchanga hmalak dan tur an sawiho.

Ṭhutkhawmah hian non-communicable diseases (NCD) hrang hrang - cancer, hypertension, stroke, diabetes, etc.-te'n nunna hlu tak a suat nasat tawh thu leh khawvel pum huap pawhin NCD hi natna thihpui tam berte zinga mi a nih thu tarlan niin; Lunglei district-ah pawh Indian Journal of Medical Research 2021 in a tarlan danin, thihna thleng zinga 26% chu NCD vang a ni a, hetiang a nih avang hian Lunglei district-a awareness campaign leh NCD screening drive beihpui thlak dan tur leh a kaihhnawih thil pawi-mawhte an sawiho a ni.