Kum 2024-25 ah OMB hmangin cheng vbc. 1,170 puk tum

Nimina Asssembly Annexe conference hall-a thuthar thehdarhtute a kawmnaah chief minister Lalduhoma chuan, kum 2024-2025 ah open market borrowing (OMB) hmangin cheng vbc. 1,170 puk tum a nih thu a sawi.

Zawhna chhangin Chief Minister chuan, kum 2023-2024 ah OMB hmanga cheng vbc. 1,200 puk tura tih a nih thu sawiin, "Mah se, sorkarna kan chan tak avangin hemi zat hi puk kher kan tum lo. Kan sorkar hnuah ṭum hnih kan puk tawh a, kumin sorkar kumah ṭum khat kan puk leh dawn. Cheng vbc. 1,200 kan puk tling dawn lo," a ti.

Chief Minister chuan kum 2024-2025 ah kum 2023-2024 aia tlem zawk puk tura an dah thu leh hemi zat hi an puk ngei ang tihna a nih kher loh thu a sawi.