MPCC-in HM thusawi an sel

Mizoram Pradesh Cong­ress Committee (MPCC) chuan thuchhuah siamin, February 26, 2024-a Assembly House-a Home minister K Sapdanga'n Champhai District Jail chungchang a sawi chu an sawisel.

MPCC chuan, Home Minister hian Champhai Jail chhiat dan chungchang a sawinaah 'a bang atan rangva tun hmangin, jail tangte zana nula rima an chhuah ṭhin thu leh zan reia jail-a an rawn hawn leh mai ṭhin thu' a sawi tih tarlangin, "Dan leh thupek kengkawh ber tura ngaih Home Minister-in jail tang mek, leng chhuak ṭhinte thil tih dan pawmpui ang zawnga ṭawngkam a nei hian rorelna laltiang lek tura quality a neih lohzia a tarlang chiang hle niin kan ngai," an ti.