Wildlife Crime Control Sub-Unit ṭhukhawm

Serchhip District Wildlife Crime Control Sub-Unit chu an chairman MS Dawngkima, SP hoin nimin khan a pisaah an ṭhukhawm a; Serchhip bazara sava rep ṭhahnem tak an man chu SP hian a halral nghal.

Ṭhutkhawmah hian Serchhip district-a dan loa nungcha tihlum ṭhin te leh sumdawnna atana hmangte zawnchhuah a, dan anga hrem an nih theih nan action plan duan a ni a; nungcha humhalh kawnga mipui hriat turte zau zawk leh tam zawka inzirtirna neih ni se, an ti.

Serchhip khaw chhehvel, Mualvawm ramah ramsa leh sava awhna tura thangkam ṭhahnem tak man a nih tawh thu tarlan a ni bawk.

Serchhip District Wildlife Crime Control Sub-Unit member-te chuan February 24, 2024 khan Serchhip Inrinni bazarah sava rep ṭhahnem tak an man a, heng sava repte hi nimin khan Serchhip SP MS Dawngkima hian a halral nghal a ni.