Zenghri danna pek tur naupang 8,389 an awm

Kolasib District Task Force on Immunisation (DTFI) chu an chairman John LT Sanga, bawrhsap hoin DC conference hall-ah an ṭhukhawm a; Kolasib district-ah zenghri danna pek tur naupang 8,389 an awm thu tarlan a ni.

Rampuma hri danna pek runpui, National Immunisation Day (NID) hi March 5, 2024-ah hman a ni dawn a, he niah hian zenghri dan beihpui thlak (Intensified Pulse Polio Immunisation) hman a ni ang. Hemi ni hian naupang kum 5 hnuai lam zawng zawng chu zenghri danna kaa thlawr chi (oral polio vaccine) pek an ni dawn a, Kolasib district-ah zenghri danna pek tur naupang 8,389 an awm.

March 5 hian Kolasib district khaw hrang hrangah booth 122, transit pahnih leh high risk area (HRA) pakuaah hri danna pek hi kalpui a ni dawn a, he huna pek bâkte chu March 6, 2024 aṭangin in tinah lutchhuakin hri danna hi pek an ni ang.