Christina-i'n 1st Bn. MAP Commandant a kawm
AMC Ward No. VIII Corporator Christina Roluahpuii Sailo chuan nimin chhun khan eirawngbawlna gas chungchangah 1st Bn. MAP Commandant a kawm.
Christina Roluahpuii chuan, 1st Bn. MAP Commandant hnenah hian an ward chhung - Armed Veng, Armed Veng South leh Chite Venga police chhungkua ni kher lote pawhin Mizoram Police Gas Agency an chhawrve a duhthu thlenin, hmalak sak turin a ngen.
Ward VIII Corporator chuan an ward mipuiten Mizoram Police Gas Agency an chhawr ve theih dan tur a awm dawn chuan, a ṭul ang ang buaipui a inhuam thu Commandant hi a hrilh a, "A hmunhma cheiṭhat a ngai emaw, tih belh a ṭul pawhin a ṭul ang anga hmalak ve ka inhuam a ni," a ti.
Hetihlai hian Mizoram Police Gas Agency-te AMC ward VIII mipuite'n an chhawrve theihna atan Supply leh Home department lamah bawhzui ngai ala awm nual avangin Christina-i hian a bawhzui dawn.