Sava manna hmanrua hal ral

Ngengpui Wildlife Sanctuary huamchhunga sava manna atana hman ṭhin chi hrang hrang chu nimin khan Chhimtuipui Wildlife Division dy. conservation of forest Dr R Lalruatfela'n a hal ral.

Chhimtuipui Wildlife Division huam chhung Ngengpui Wildlife Sanctuary ram chhunga sava veh ṭhinte leh thangkam ṭhinte hmanrua hrang hrang te, airgun chi hrang hrang leh thingzaina khawl (chainshaw) te chu nimin khan phochhuaha tih riral a ni.

Vahui len leh lenkhang, thangchep leh sathang bakah sairawkherhte halral niin, thingzainaa ni khawl erawh chu vuak chhiat vek hnuah hmun hima paih tura tih a ni.

Airgun-te erawh chu thubuai kalpui mek a nih avangin office lama la kawl ṭhat tura tih a ni thung.

Hmanrua tih riralte:

Thingzaina khawl - 10

Vahui leh lenkhang - 115

Thangchep leh sava thang - 100

Sairawkherh - 7

Air Rifle - 15