Fai lawmman dawn lawm

Mizoram Cleanliness Competition, 2023 category II – District Headquarters-a pakhatna Serchhip chuan nimin khan district bawrhsap David Lalthantluanga hoin DC Conference Hall-ah an lawm a; Serchhip town chhunga village council 14 hruaitute hnenah Bawrhsap chuan lawmpuina Rs 10,000 ṭheuh a hlan.

David Lalthantluanga chuan, bawlhhlawh ṭawih thei leh ṭawih thei lo thliar hran (waste segregation at source) chu Serchhipah kalpui ve thuai a ngai dawn tih a sawi a, "Sorkar laipuiin a ngaih pawimawh em em Solid Waste Management Centre pawh neih a ṭul dawn a, Serchhipa UDPA hmalakna zel turah mipui leh sorkar ṭanrual a ngai hle dawn a ni,'' a ti a, khawpui chhung bikah tuihawk luankawr leh a khuhna mumal zawka siam chu thil pawimawh tak a nih thu a sawi.